صيفنا في شموخ الابداع

[شذى الورد]

ماشاء الله الافكار كثيره بس باقي التنفيذ وان شاء الله بيكون صيفنا غير معكم

وانا ماتبغون مني شي ههههههههههههههه اي شي تبغونه انا في الخدمه

مشكوره دمعه وماقصروت كلكم

يعطيكم الف عافيه

 

[فاتنة القلوب]

مرحبا​

المعذره على التأخير والقصور
وأسموحوا لي على اأنشغالي واجب علي احظر زواج قرابينا :flex: وياكثرهم مشاءاالله ​

:flex: <قالت لأمها ماتبي تحضر زواج بنت خالها عصبت عليها هع​

المووووهم​

دمووعه ماشاءالله عليج عندك افكار رهيبه​

وبالنسبه لقسم الحكايا وفكره صور ويكتب عنها قصه حلوه كثير
بس عندي اقتراح بسيط عليها
يعني لو تكون مجموعه صور افضل لان التعبير على صوره وحده اصعب
ولان مجموعه الصور راح يكون لكل عضو قصه مختلفه تمام حسب ترتيب الصور عنده وفكره القصه عنده < مجرد اقتراح​

وعندي اقتراح بسيط لقسم
[.. Languages Forum..]​

يعني فكرتها
جمله وتكون هالجمله ناقصه يعني بين الحروف في فراغات ناقصه بحيث يكون صعب فهم الجمله على طول والمطلوب هو كتابه الجمله المقصوده وكذا بعد نقوي لغه عندنا ونستفيد بعد ^_^ < واقترح اللي يشرف عليها يكون بلبل باللغه لايشق له غبار { حلوه عجبتني​

اما مسابقه الخواطر
ان شاءالله خير بس مشكلتي ادقق في التفاصيل وهالشي مأخرنا شوي لاني ماحب يكون شي ناقص < الله يعينكم عليها​

أما بالنسبه لمسابقه الحوار والنقاش
انا مو معترضه على الفكره ان نحدد موضوع والمطلوب كتابه موضوع للمناقشه​

بس مدري بيكون فيه مشتركين ؟!
المشكلة اللي ينزلوا مواضيع للنقاش مدري بعضها هي منقوله لو مكتوبه من عندهم لان بعضهم ماينسبها لنفسه
مدري هو تواضع منهم لو ايش
انا عن نفسي شي كتبته احب انسبه لنفسي حفاظا على حقوقي < حلوه
ممممم قبل تطرحون المسابقه
افضل ترسالون الأعضاء اذا في حد حاب يشترك لو كان العدد كافي يعني في اعضااء مشتركين مو واحد او اثنين
ساعتها نطرح المسابقه

اما عن القسم الادب :dunno: مدري اذا عندكم نفس الفكره لو لا
بس بطرحها

بختصار يعني
معلومات عن شخص مجهول
والمطلوب معرف منهو يكون ( شاعر _ كاتب _ أديب )
وياكثرهم

:blush-anim-cl: < تعبتكم وياليت المسابقات ماتكون كلها بنفس الوقت
الاجازه طويله يعني
ولو كانت بنفس الوقت
ناس بتشارك هنا وماراح تشارك بالمسابقه الثانيه
يعني حلو نعطي لكل مسابقه حقها

​

مممممممممم وانتظروا عودتي بأقتراح جديد
مشكلتي منشغله كثير بس اوعدكم افكر واطلع افكار حلوه ​

اعذروني ​

 

[سكرة البنــــات]

هلاااااااااا رجعتلكــــم أسفة ع طولت الغياب بس ظروفي الصحية منعت تواجدي

بينكم بس الح ـــمد لله ...........


أولا ..أشكر دموعة ع أفكارها وهذا مو شي جديد عليها دائما متقدمه ومبدعة

و يشرفني إستلام القيادة لموضوعها بقسمي

والصرااااحة جاتني أفكار جنااان للصيفية شموخنا وفي كذا قسم وان شاء الله ارتبها وأطرحها

لكم



دمتم كما أح ــــب

سكرة البنــــات

 

[●¦ دَمعْــٍہ وفْــآ ¦●]

الي يبونا نعطيهم مهام لا يخافون ولا واحد من المشرفين راح نخليه مرتاح :tease:

كلكم بتكونون شغالين ان شاء الله .. بس بدون رواتب يبي لنا نطالب رسيم براتبنا نهاية الشهر :tease:<<<فاضية

على كل حال

فاتنة القلوب كلنا نقدر ظروف بعض وكل شخص يمكن يمر بظروف الله يوفق الي راح يعرسون وعقبال العزابيه الي بالعيلة ان شاء الله .. يارب واولهم انتي هههه ...

واكيد واجبج انج تكونين متواجدة بكل عرس ومشاركة اهلج بكل فرحة بهالوقت مهمة ..

وبالنسبة لرايج بخصوص مسابقة حكاية صورة ..

افضل نختار صورة وحدة عشان نقدر نقيم التميز من خلال الافكار !!

يعني لما نطرح صورة وحدة ونشوف كتاباتهم كلهم وتفسيراتهم وقصصهم أحسن على العموم اذا كانوا البقية معاج ماعندي مانع ..

وبالنسبة لقسمج معاج حق ان البعض يطرح مواضيع من غير ما ينسبها لنفسه واذا ما كتب انه صاحب الموضوع معناتها الموضوع منقول بكل بساطة ..!!

لكن اكيد بالمسابقة وبأي مسابقة ثانية راح نمنع المنقول.!!

اما بخصوص الي راح يشاركون ولا ما يشاركون ..احنا واجبنا نختار موضوع سهل وبسيط بحيث ان الكل يقدر يكتب موضوع عنه والجميع عندهم خلفية عن هالعنوان عشان يقدرون يعبرون ويكتبون موضوع نقاش متكامل وعشان اسهل الامور اكثر ما راح نشترط الفصحى !!

يعني كل شخص يكتب بأسلوبه الحر!..

وبصراحة اشوفها صعبة نرسل لكل الاشخاص رسايل ونقول لهم في مسابقة بهذا القسم وموضوعها كذا .. عنوانها كذا شروطها طبعاً لاننا اذا راسلناهم لازم نعطيهم خلفية تامة عن المسابقة نوعها شروطها وغيروا عشان يقررون بشاركون او لا..!!

احنا نطرح الفكرة بالقسم ومن حب يشاركنا حياه الله ومن ماحب كيفه .. وراح احاول اني اجذب اكبر عدد من الاعضاء بعد طرح الموضوع للمسابقة ..!!

ان شاء الله

وتطمني يافاتنة ما راح تكون كل المسابقات بوقت واحد ان شاء الله راح يكون فاصل بين كل مسابقة والثانية .. والله يعينج لانج مشرفة على اكثر من قسم

واذا تبين احد يساعدج تقدرين تطلبين هالشي وشوفي عروض الخدمات متوفرة استغلي الفرصة خدماتهم كلها مجانية هههههههه ..

نخفف الحمل عنج يالغالية ..

.

.

سكرة البنات

يافديتج والله

ولا شكر على واجب والحمد الله على سلامتج وياريت الكل يتحمد لج بالسلامة

الاخت العزيزه سكرة كانت مريضة والحمد الله صارت أحسن الحين..

ويسعدني ان الفكرة عجبتج وتذكري القسم أنتي المسؤولة عنه تقدرين بس تخبريني متى تبين تبتدين بالمسابقة أعلن عنها او لا واذا حابة تختارين صورة

او احد في باله صورة معينه يبي يختارها لا يتردد ..!!

في النهاية كلنا نكمل بعض

واي افكار في بالج يالغالية لا تترددين فيها وكلنا معاج طبعاً



.

.


في شي ابي اقوله قبل لا اختم كلامي الطويل :42:

كلكم تعرفون ان المنتدى يمتلك شعراء !! وكلنا نفتخر فيهم صح ولا لا؟؟

بس كلنا مفقدين تواجدهم طبعاً لما نشوف شعراء في اي منتدى هالشي يجيب الفخر لكن لما يعتبر تواجدهم من العدم يزعل..

انه متأكدة ان كل شخص له ظروفه الخاصة ولازم نحترمها ياريت ايي احد مع تواصل مع شعرائنا الكرام يخبرهم ان لهم وحشه لان تواجد الشعراء راح يقوي الاقسام الادبية ..

المهم انه جبت هالطاري مو لله !!

في بالي شي وراح اقوله اذا عندنا شعراء ليش ما يكون عندنا كتاب مثلاً..!!

وانه متأكدة تواجد الكتاب بالمنتدى راح يتفوق على تواجدهم ..!!

يعني مثل عضوو ملك الشموخ يكون عندنا كاتب

فكرتي الله يسلمكم اننا نختار كل شهر على الاقل كاتب متميز بشموخ الابداع ونعطيه شرف هالعضوية ..!!

وبعد شهر ثاني يكون لنا لقاء مع كاتب غير والشاطر من الكتاب الي يحافظ على منصبة ..!

يعني مثلاً لما نشوف شخص جديد وكاتب جديد بقسم فيض مشاعر اعضاء شموخ او كاتب كتب موضوع بمجهوده بقسم الحوار والنقاش بقسم العام اي قسم كان ..

ونبيه يستمر ونعطيه حافز على الاستمرار والتنافس يكون له لقب كاتب

طبعاً هذي مجرد فكرة بسيطة توافقون عليها ما توافقون عليها امر راجع لكم وياريت الكل يعطيني رايه بالفكرة من مؤيد ومعارض ..

وما تقصرون والله

وسلامتكم

 

[عواطف]

وهـ دموعه شو هالأفكار الجونان الله يعطيج العافية قلبي إنت وهالفتونة وكل من يشاركج ..

ماتقصرون والله أنا تحت الخدمة بس عجلوا ترى موب فاضيه >> هههههههههه ..

مشكورهـ ..

 

[●¦ دَمعْــٍہ وفْــآ ¦●]

الله يعافيج ياقلبي والله حالفه محد يتفداج غيري

فديتج وفديت لتراب الي تمشين عليها ههههههه ...

ما تقصرين على مرورج الدايم على هالموضوع وعلى طاري خدماتج

المستمرة ..

بما اننا مراقبات افا عليج يبي لنا مهمة مشتركة نكسر فيها المنتدى

شوي <<حلفي ..

وطبعاً انه قلت ان في خدمات مجانيه المقصود فيها خدمات يستاهل البرد ..

ملاذ وغرام .. وكل المشرفات الي حابين يشاركونا ..

بس يستاهل ما قلتي لي ياحلوة شرايج بفكرة الكاتب ..!!

؟؟

 

[بقايا جروح]

مساء الورد للحاضرين والغائبين

احب اشكر كل من طرح فكرته وما قصرتم واحد واحد وافكار جميله
يعطيكم الف الف عافيه ..
وان شالله راح تتحرك الاقسام من خلال مسابقاتكم واقتراحتكم .

وانا عندي فكره بسيطه قريبه من فكرتـ قسم القصص ..

بما ان الكثير هنا يكتبو خواطر وما يقصرو ..
حبيت تكون صوره خاصه نعبر فيها بكلمات نغميه كخاطرهـ مثل
الموضوع الجديد اللي طرح من قبل العضو محمد العواجي .

بس تكون صوره خاصه نكتب كلنا عنها ونعبر عنها باحاسيسنا بكلمات واحرف محدوده لا نتجاوزها .

ومن ثم يتم التصويت على اجمل احساس كتب .

ويحدد صاحب المركز الاول والثاني والثالث ..
والباقين تخفاء ترتيبات مراكزهم الا في حال طلب العضوء مكان ترتيبه فقط .

وشكرا لكم على تقبلي هنـا واتمنى ننتفع بماهوا جديد من افكاركم الذوق .

بقـــايا

 

[عواطف]

يعطيج العافية ياقلبي والله كلج ذووق >> :blushing: فيس مستحي هههههههه ..

أقول دموعه والله كان في بالي بس أخاف ماألتزم يعني لو بطرح فكرة ضروري أكون موجودهـ ومتابعه لها وأنا ماأضمن صراحه علشان كذا قلت نشوف الوضع أول ماأبي أخيب ظنكم فيا ..

وترى في راسي موال ودي أغنيه >> :4:

بالنسبة لفكرة الكاتب رووعه هالفكرة صراحة خصوصاً إنه عضوية ملك الشموخ هالفترة نايمة لكن لمن يكون عندنا عضوية الكاتب هذا يشجع الكتاب الي موجودين عندنا ويعطيهم دافع لقدام وخصوصاً إنه عندنا ماشاء الله أعضاء يكتبون ..

أهنيك على هالفكرة الجونااااااان رووعه الكل راح يأيدك فيها تسلمين دموعه والله مجهودك يرفع الرأس ياقلبي ..

يعطيك ألف عافية ..

عجبتني فكرة فاتنة بقسم [.. Languages Forum..]
ياليت لو تكلموا البلبل هاوي هو الشخص المناسب لها ههههههههه ..​

 

[●¦ دَمعْــٍہ وفْــآ ¦●]

حيالله مشرفنا بقايا جروح ..

بالنسبة لفكرتك بخصوص المسابقة الفكرة شبيهـ بفكرة أحساسيس مصورة يعني صورة ومشاعر ..!!

الفكرة حلوه من بس لها افكار مشابه وايد .. وغير جذي في مسابقة راح تكون بالقسم يعني مسابقتين بنفس الوقت اممممم صعبة شوي نقدر نخلي هالفكرة لرمضان مثلاً ..

وما نبي نركز اهتمامنا على قسم واحد ياريت نشوف افكار بأقسام ثانية وهذا المهم والي اشوفه الحين ان قسم فيض مشاعر ااعضاء شموخ ولله الحمد انه قاعد يسترجع حيويته ونشاطه ..

بقايا جروح نفس السؤال الي سألته ليستاهل بسأله لك ما قلت رايك بفكرة الكاتب ماابي احد يمر على الموضوع من غير ما يعطينا رايه بأفكار الغير جذي ما بنتشارك الافكار ولا المناقشات ..

اكيد بتكون لك عودة وبتعطينا رايك .. اذا قدرت طبعاً .. وما قصرت اخوي


يستاهل البرد وه بس :cupidarrow: ههههه

غني غني واطربينا فيــه

وشكراً لتأيدج الفكرة والله كنت متوقعة تكونين معاي طبعاً الي اشوفه زيادة عدد الاشخاص الي يكتبون وهالشي يفرحني وايد وايد ..

اللهم لاحسد هههههه

اتمنى الغير يقولون رايهم بعد وخصوصا رسيم القاف وليد اللحظه حب الوطن غفوة حلم <<ماخليتي احد


والبلبل هاوي الجنوب ماراح يقصر

وبخصوص مسابقة حكاية صورة

تم التواصل بيني وبين المشرفتين الحبوبتين غربة مشاعر وسكرة البنات والمشرفتين ما عارضوا الفكرة ورحبوا فيها وراح يكونون متعاونين مع بعض ان شاء الله

 

[@ رسيم القاف @]

السلام عليكم ورحمة الله وبركاتهـ ,,

بما إن الموضوع .. أخذ حقهـ من المتابعه وطرح الأفكار ,,
وصارت متشعبهـ لحد كبير .. والمتابع مايدري يعطي رأيه عن أي فكرهـ ,,
أو مايقدر يكتشف كل الأراء عن الفكرة الفلانيه لأنها مخفيها مع مجموعة أفكار ,,

الحين صار كل صاحب فكرة يطرح الفكرة بالشكل المناسب في منتدى المشرفين ,,
عشان تاخذ الفكرة حقها من التنظيم .. ويسهل علينا المداخله ومتابعة مداخلاتكم ,

أو .. راح أفتح مواضيع بإسم كل قسم نزلت عنهـا افكار ,,
وداخل الموضوع العام مثلاً نناقش مسابقات العام فقط مثلاً ,,

مروري هذا محمل بالمداخلات بس ما أبي أكتبها وتروح عبث ,,
خلونا نفتح مواضيع تسهل لغة الحوار في ما بينا ,,

 

[@ رسيم القاف @]

الفكرة بأختصار

اننا نختار عنوان او فكرة لموضوع معين والاشخاص الي يشاركون لازم يكتبون موضوع نقاشي بخصوص هالموضوع ..

والاشخاص يقدرون يطرحون مواضيعهم للنقاش ونترك المواضيع لمدة أسبوع وبعدها الاشخاص الي راح يكونون مسئولين عن المسابقة يختارون افضل 3 مواضيع ويعرضونها للتصويت على اساسها راح يكونون الفائزين بالجائزة الاولى .. الثانية ..الثالثة..

وياريت الي يشرفون على المسابقة بس 2 .. لا اكثر ولا اقل :4:


فكرة حلوووهـ ... بس عندي رائي ,,,
أو نقطة قد تكون سلبيه في المسابقة ,,

إذا حصلتوا حل لهذي الفقرة اللي راح أذكرها ,,
,, أنقل الفكرة لموضوع مستقل إستعداداً لطرها بالمنتدى ,,


مداخلتي في هذة الفكرة الخاصة بمنتدى النقاش ,,
مثل ما فهمت .. إن الأعضاء راح يكتبوا مواضيع في قضية واحدهـ ,, << سليم .؟
أيضاً راح يتواجد نفس الأعضاء المعروفين بحبهم لنقاش في المواضيع ,, نفسها ,, << سليم .؟
وتلاقي كل عضو يفرض رأيه الي كتبه في الموضوع الخاص بالمسابقة ,,,
في الأخير يكون الناتج مكتوب من قبل نفس الأعضاء , والأقلام ,.,
ونفس المحتوى .... سواءاً كتبها العضو في مشاركتهـ بالمسابقة ..
أو في رد على أحد المشاركين في المسابقة ,,

توضيح ..// مثلاً شاركنا أنا وليد اللحظة ورهف وشوق الصحاري ,,
ومن ثم نزلنا مواضيعنا في المنتدى أربع مواضيع بأقلامنا الأربعهـ ,,
وكل الموضيع بتتكلم عن نفس الموضوع ولكن تختلف باسلوب الكاتب ,,
في الأخير راح تكون لنا نحن الأربعه وغيرنا من الأعضاء مداخلات في المواضيع ,,
وراح تتكرر المداخلات .. كـ نسخ .. ولصق .. سواءاً منا نحن المشاركين أو الأعضاء ,,
في الأخير ... نفس القائمين على المسابقة راح يحتاروا في إختيار الأفضل
لأن نفس المواضيع في نفس مظمار الحوار ,, ونفس الأقلام ,,

يمكن أكون فهمت الفكرة غلط .. أو تكهنت بشء ما ندري عنهـ ,,
عموماً لو كانت الفكرة بنفس الشكل اللي أنا فهمتهـ ,,
حطو بالحسبان المشكلة هذي ,,
وعطونا حلول بديلة ,

 

[عواطف]

صباح الخير >> توي شفت ملاحظتك رسيم وعندي حل بسيط مدري ممكن ينفعكم ولا لا بس ترى ماني عارفه إذا فهمتكم صح ؟؟

ليش ماتطرحوا المسابقة وتتركوا للمشاركين باب المشاركة مفتوح بشرط إنه إلا راغب بالمشاركة يكون جاد أوكي يسجل إسمه >> هذا كله طبعاً إنتم لسى ماحددتوا الموضوع أوكي ..

وبعد ماتحصروا عدد المشاركين تطرحوا مواضيع المطلوبه بعددهم يعني شووق يكون موضوع رسيم يكون موضوع مختلف وهكذا >> مدري إذا راح تنفع ولا لا بس حسيتها شوي صعبه مدري عنكم إنتو شوفوا مناسبة ولا لا ؟؟؟

بكذا تختلف المواضيع والأساليب ويكون المجال مفتوح عندهم ومايحتار أحد وأهمها مايكون في تشابه ..

>> إن شاء الله ساعدت بالفكرة ومالخبطكم ..

 

[سيدة البحر]

صباح الخير والسرور


حماس رائع من جميع الاعضاء وعلى راسهم صاحبة الطرح الراقي دموعه

طبعا حضور متاخر كالعادة تعدت الردود 30 رد وتوي اشوف الموضوع

فالعذر والسموحه على التاخير

اممممممممم بقول رايي وكالعادة بصراحة وراجع لكم القرار

اول شي افضل ماتكثر المسابقات لانه بكذا راح يتشتت الزائر والعضو

ويمكن يدوووخ ويبطل ويقعد بس يطالع من بعيد ..

والامر الثاني .. الافضل نركز ها المسابقات على الاقسام الي فيها خمول

وبيصير ضربنا عصفورين بحجر في كون تفعيل المسابقة وتحريك القسم

اعجبتني فكرة صورة وحكاية جدا جميلة وبكذا راح نكتشف مواهب قصصية لدى الاعضاء

والامر الثالث .. فكرة مسابقة النقاشات الجادة بصراحه اشوف الفكرة شوي صعبة ومو سليمة

لان قاعدة النقاش المعروفة اختلاف الراي لا يفسد للود قضية

وها المسابقة راح يكون فيها تعدد للنقاشات المطروحة وراح تصعب المهمة اكثر

ويمكن تكون فيه بعض الحساسيات والتعصب لبعض النقاشات

لكن انا عندي راي ثاني لقسم النقاشات واتمنى تروق للجميع

الفكرة تتلخص في طرح مشكلة من مشاكل المجتمع وننتظر افضل الحلول من الاعضاء

وفي نهاية الاسبوع نرجح افضل الحلول لهذي القضية والمشكلة ... وطبعا تكون جائزة او وسام

لافضل حل للمشكله ..


بالاخير انا اسفه ع التاخير ويمكن ملاحظاتي جات متاخرة

لكن من باب ان يد الله مع الجماعه كنت هنا




لكم ودي

 

[●¦ دَمعْــٍہ وفْــآ ¦●]

صباح الخيرات والمسرات عليكم كلكم ..

رسيم القاف كان ردي حيكون مثل رد يستاهل البرد تقريباً ..ولكن بعد ما شفت مرور سيدة البحر اممم اختلفت الموازين الله يسلمك ..!!

سيدة البحر عزيزتي

مسموحة تأخرتي..! عادي لكن المهم انج بالنهاية جيتي وشاركتينا يالغالية ..

ولحد الآن ما اشوف افكار كثيرة للمسابقات تقريباً الي شفته 3 واحب اقول ان الموضوع لما طرحته ماكان خاص بس بالمسابقات خاص بأي افكار ممكن تساعدنا على تنشيط المنتدى ككل بالصيف ..وعزيزتي مو كل المسابقات راح تختار ولا كل المسابقات راح تنفذ ان شاء الله عشان ما يكون في ضغط على المشرفين وعلى الادارة .. بس افكار المسابقات الكثيرة نقدر نستفيد منها بهالفترة او حتى فترة جديده او صيف جديد!! لانها راح تبقى بهالموضوع الي نقدر نرجع له.. !


وانه معاج لازم تكون افكارنا بالاقسام النايمه عشاان جذي اقترحت فكرة المسابقة لقسم القصص وفي عدة اقسام نايمه بالمنتدى نقدر نطرح فيها افكار مسابقات وغيرها او حتى افكار لتنشيطها ككل ..!!

سيدة البحر في اشخاص مهما كان مرورهم متأخر يكون مفيد بالاول والاخير مثلج يالغالية وطبعاً فكرتج بخصوص قسم الحوار والنقاش عجبتني .. مو عشان جذي طرحت هالموضوع عشان نناقش افكارنا ..

والفكرة الي اقترحتيها جداً بسيطة بحيث ان الكل يقدر يشارك فيها وبهذي الطريقة ما راح نلاقي صعوبة في عدد المشاركين بالمسابقة!! على عكس فكرتي الي اشوفها اصعب من فكرتج انتي

بالنهاية ..

انه دايماً افضل اختيار الاسهل والي يتناسب مع جميع المستويات بالمنتدى

وما قصتري ياسيدة البحر لاخلا ولاعدم منج يارب ..

 

[@ رسيم القاف @]

ترى الردين اللي فوق ما قريتها عدل .. حق دموعه وسيدة البحر ..
برجع أقراهم من جديد .. وفي وقت يساعد للقراءهـ .,,



\
/
\

دموعه وسكرة ,,,

مسـآبقة حكـآية صورهـ { سكرهـ

في هالموضوع .. راح تكون مع كل صورة مجموعه من القصص ,,!
كيف نحسب الدرجات ... أو كيف يتم التصويت , !..
وهل مع كل صورة ومجموعة قصص مجبرين نوزع أوسمهـ ,.؟
أو راح تجمعون القصص من المشاركين على كل الصور ,,
وتنزل في الأخير لتصويت ,, أو أيش الحكاية بالضبط ,


ترى سكرة تستعد لطرح الموضووع وعطيتها الضوء الأخضر ,,
دموعهـ .. الفكرة إبتدة من عندك وأتوقع نهايتها أيضاً عندك ,,
والمثل يقول النار من شبابها ,, ...........

 

[عواطف]

يعطيك العافية بحورهـ والله سهلتيها يعني جبتيها من جانب سهل وبسيط ..

وفكرة مسابقة النقاش أنا إستصعبت فكرتي بس قلت يمكن تجيب لو شئ بسيط يساعد لكن بالنسبة لفكرتك أنا معاك بها وأؤيدك والله يوفق الجميع ..

مشكورين على جهودكم تسلمون ..

 

[@ رسيم القاف @]

السلام عليكم ورحمة الله وبركاتهـ ,,

فكرة حلوهـ سيدة البــ ح ــر ,, وفي محلها ,,
طيب ... راح نتأخر بطرحها أكثر من أسبوع ,,,
لأن في مسابقة الخواطر نزلت للمنتدى ,
وحكاية صورة راح تبدا عن قريب ,,

\
/
\



طبيعي ماراح تشرف فاتنة القلوب على مسابقة النقاش ,,
ياليت . لو يترشح غيرها للإشراف على المسابقهـ ,,

وترى في أفكار تخص المنتدى الأدبي .. أيش صار عليها يا سيدة البحر ,؟ ,,

 

[●¦ دَمعْــٍہ وفْــآ ¦●]

وعليكم السلام ورحمة الله وبركاته

اخوي رسيم القاف ..

بالنسبة لمسابقة النقاش اقدر اكون مسؤولة عنها اذا حبيت ؟!!

واذا كنت حاب ان الي يشرف عليها غيري

تقدر تطلب هالشي من بعض المشرفات الي عروضهم كانت مستمرة بالموضوع ..

مثل غرام الروح ملاذ الروح يستاهل .. !!

والله ولي التوفيق ..

وان شاء الله كل المسابقات تكون ناجحه ..

 

[عواطف]

مافي مشكلة عندي لو حابين مابقصر معاكم إن شاء الله ..

دموعه يعطيك العافية مشكورهـ ..

 

[شوق الصحاري]

< داخلة متلثمة < و مستحية هههههه<< ما حد يشوفها .. :Taj32:​

بصراحة ...آسفة آسفة كل الأسف لأني تأخرت عليكم و أنا كنت واعدة برجعة قريبة أول ما أوصل الإمارات ^_^ .. و صلت و عاد << الطلعات و الدخلات و المرضات هههههههههه​

والله و انشغلت بواايد أشياء و كانت لي فكرة بالقسم الأدبي و إنتو ما شاء الله عرضتو فكرة رائعة و تبي شغل و القسم ما يحتمل أكثر من فكرتين << بالذات لأنو القلة بيتجهو لهالقسم .. ^_^ ... << فهونت ^_^ .. ​

بما إن الموضووع عرض لأفكار و مناقشتهم رح أرتب الأقسام حسب ترتيبها و لو في أي فكرةلا في بالي رح أعررضها لكسب شرف المشاركة على الأقل ^_^ ...... ​

§¨`*:·..·:*شــــمــــوخ ــالأ ســـــــلامية*:·..·:*¨§​

مممممم .. ممكن نحرك هالقسم بإنو نسوي مسابقة بين فريقين << يتكون كل واحد من 2 أو 3 على الأكثر ^_^ .. و نحدد موضوعات يشتغلو فيها ال2 يسوولنا تقرير و التقييم يكون على حسب الترتيب و المعلومات و التنسيق .. و نواحي ممكن نناقشها .. << يعني فكرة إجب في بالي ^_^ .. ​

الفكرة الثانية لهقسم .. مسابقة مثل المسابقة الرمضانية .. أسئلة في وقت محدد من اليوم و الفائز الجامع لأكثر نقاط .. << حلوة و سلسة و ممكن تنشط القسم .. ​

§¨`*:·..·:*شــــمــــوخ ـالـــعـــامـــه*:·..·:*¨§​

[.. حِوارَ الفِكْر و النِقـــآشَ .. وقضايا 99]​

فكرتكم في قسم الحوار و النقاش حلوة ... بس خلينا نعتمد على الأفرقة .. أولاً لحتى نزيد الحمااس // و ثانياً لحتى ننمي روح الأخوة عندهم ... يعني نعرض قضية و يتناقش كا فرد من الفريقين و نطلع نتاج رائع من خلال نقاشهما .. علشان التوضيح أكثر .. مثلاً أنا و دمعة فريق و وليد و شامخ .. القضية تعرق .. أنا أحط رأيي و دمعة كذلك ... بنفس موضووع النقاش و نجتمع على الروابط اللي بينا برد وااحد و كافة الردود تعرض الفردية و الجمع بين الردين< ^_^ ..​

[..إستديو الأخبار والإذاعه ..]​

ممممممممممم / طائرة شموخ الإبداع .. كل يوم نختار عضويين و نختار بلديين يسفروونا عليهم << يورجونا السياحة فيهم على المضبووط .. < الأماكن / الهدايا / الجو / و و و << نحددهم في حالة الموافقة ^_^ .. << يعني شامل عن المتعة الصيفية في حالة السفر ^_^ .. ​

§¨`*:·..·:*شــــمــــــوخ ـالأدبــــيــــه*:·..·:*¨§​

أفكااركم ما شاء الله عليها بس لو تتنفذ وحدها تعتبر نجاح لكم ^_^ .. ​

[.. المنتديات العلمية ..]​

[.. Languages Forum..]​

ممممم و الله محتاجيين تطويير لهالقسم بشكل كبير << وجودو زي عدمو ..
ممكن نقوي لغة الموجودين بموضووع عن الصيف و النشاطات الممكنة فيه .. و لو كان عدد المشاركيين قليل بس رح نحاول معهم إلى آخر حد .... حتى نحصل على الأقل على 5 أو 6 مشاركيين << ممكن نشجعهم بموضووع يكتبه المسؤوول عن المسابقة لو كنت أنا أو غيري ^_^ .... ​

§¨`*:·..·:*شـــــــمـــــوخ ـالإجــتــــمــاعــيه*:·..·:*¨§​

[.. مطابخنأ عآلم من شمـوخنآ..]​

أكلات الصيف كثيرة .. مسابقة أطيب الأكلات الصيفية .. بس كيف .. مو نقل من النت .. نختار عضوين قادرين على إنهم يسوو الحلويات أو الأكلة الصيفية مع الصور و التقييم من الأعضاء .. ​

[.. تفاصيل أنثوية ..]​

ممكن نعمل مسابقات أجمل الألبسة الصيفية أو المكياجات الصيفية .. و كذلك للشباب ^_^ ...​

§¨`*:·..·:*شــــــــمــــــــوخ التصويرية والإبداع*:·..·:*¨§​

[.. عَـالَم الأنِمْـي ..]​

مسابقة فرووس رووعة و حلوة < و كلها حركاات ^_^ .. و عندي فكرة ثانية كنت قد عرضتها على فرووس بس ما فهمها < زماان .. الفكرة كالآتي الأنمي كانت و ما زالت تشكل جزء من حياتنا .. الفكرة اللي عندي إنو نختار عضو و يكتب عن إنمي أو شخصية كرتوونية كان متعلق فيها في صغره و سبب العلاقة << أي شي بسيط مع صور للشخصية << هش فكرة تطويرية أكثر من إنها مسابقة صيفية للقسم ممكن نأجل تنفيذها ^_^ .. ​

[.. تَصمَيم ,,, رِيشَـهْ الابدآع..]​

الله الله << مليوون مصمم عنا بالمنتدى ما شاء الله .. يعني لو سويينا مسابقة أجمل تصميم رح ننبسط فيها بشكل كبير ... ممكن نختار موضووع عن أي شي و نلاقي تصميم بهالخصوص << الكلمات المعبرة عن الموضووع // التصميم // التنسيق // و الحركاات << الحكم للأعضاء علشان نخلي فرصة لكل المصممييين المشاركة &_& .. ​

§¨`*:·..·:* شــــمــــــوخ الميدياوالتكنلوجيا*:·..·:*¨§
[.. أخبأر الموسيقى و الأفلام ..]​

هوني عندي فكرة تطويرية أكثر من إنها صيفية كذلك .. حياة فنااان ... نختار عضو يتكلم عن قنان يختاره << يتكلم لنا عن نوااحي من حياته أي شي يخصه و إرفاق بالصور << راشد / عبد الحليم / كاظم > ؟؟ ..​

ممممممم​

الحين أكتفي باللي قلته .. و أعتذر لكم كمان مرة على التأخير << بس دوم شووق آخر الواصلين < بس زين منها إنها توصل ههههههههههه​

يعطييكم العافية جمييعا على المشاركة .. بجد ما شاء الله عليكم ^_^ .. ​

الأفكار اللي انوضعت و إن لم تكن شاملة ...في حالة الموافقة على أي فكرة صيفية أو تطويرية ممكن تخبرووني و أباشر بكتابتها لكم أو توضيحها بشكل أفضل ^_^ ..​

<< شرح الفكرة / الضوابط / و كل حاااقة ^_^ .. ​

تنوييه .. مو لازم مشرف القسم هو المسؤوول عن أي تنفييذ لأي فكرة داخله نحن المسؤولين كلنا عن المنتدى لازم نتكاثف ونغطى أي مكان خالٍ لأي حد ^_^ .. و مو مشكلة لو كلفنا عضو بتنفيذ فكرة ما << علشان نرفع من معنوياتهم و نحسسهم إنا كلنا وااحد ^_^ .. ​

كل الود ،،​

شوووووووق ​