يايمه شوفي الدنيا تزعلني وتبكيني ..!

[نساني للاسف]

مدخل :
وتسألني عسى ماشر ؟
وأحاول اكتم آهاتي .. واغطي بشعري دمعاتي
أبد يالغالية مامن شر ..!
بس إحساس بالضيقة تملكني ثم ٍ مرْ ..
فديتك طمني قلبك .. اصحى التفكير يبعد بك
خلاص أرجوكِ لاتهتمي .. يكفيني ترا همي
ويمكن زود .. ياليت الضحكة بس تعود ..!






يايـمّـه شـوفـي الـدنـيـا تـزعـلـني و تـبّـكـيـنـي
تـشـتتني .. تـعــذبـني .. تـمـوّتـني و تـعــنيني
تـفـرّقـني عـن أحــبـابي وتـقـفـل دونهـم بــابـي
بـ آهـ الحـزن والحـسـرة تـصبحـني وتـمـسـيني
تـعـيّـشني بغـربة روح يجاورني سهـر وجـروح
عــلام الـدنيـا تـقـهـرني رجيـتـك يـمّـه عـلـمـيني
خذيني بحضنك الدافـي أبحكـي أمـسـي الخـافي
تــعــبـتْ أشكي من دموعي و مناديلي تواسيني
تــعــبـتْ اتـنّـهـد الفرقـا تـزيد الـضـيقـة ثم ترقـا
الين اغـص بـأنفاسي وأشوف المـوت يحـويني
احس بوحشة أوجـاعي تهـوّن وحشة أضـلاعي
تــبـلل صــدري الخــالــي تـشيّـعـني و تـغـطـيني
تــعــبـتْ أقـول مـشتاقـة لـيـوم الـعـيـد وأشـواقه
تــعــبـتْ اتـذكـّـرك يــمّـه .. تـنـاديني و تـحــنيني
وأجي أبكي بليـّا صوت أخاف الوقت مني يفوت
كـأني أدري عـن حـظي .. وحـظي مادرى ويـني
صحيح إني قويّة باس أموت وماانحنى لي راس
ولـكـن هــذي الـغـيـبـه هـدّتـني .. عـمـت عـيـني
ـمخرج :
شفتي شلون مافي شرْ ؟
مجرّد زعل شوي ومرْ ..
وتركني أغرق بالأطلال .. وكحل العين ع خدي سال
وغدى دمعي مثل شلال
مامن شر ..؟!
بس البرد يحضني
وحالف ماأحس الحرْ ..!

 

[حبيت عنان عشانك]

روووووووووووووووووووعه

ياليت الدنيا مثل الام نزعلها وترضينا

تسلم اناملك يالغلا

 

[عواطف]

صح لسان قايلها قصيدة روعه ..~
يسلمك ربي ..~
شكراً ..~

 

[جمال امرأهـ]

الين اغـص بـأنفاسي وأشوف المـوت يحـويني
احس بوحشة أوجـاعي تهـوّن وحشة أضـلاعي
تــبـلل صــدري الخــالــي تـشيّـعـني

صح لسان شاعرها قمه لحنان
كلمات لامستها المشاعر الدافئه
يسلم الانامل ولاننحرم منها

 

[ميوي]

قصيدهـ روووعه

يسلمو

لآتحرمينآ جديدك

=)

 

[نساني للاسف]

مشكووورين على مروركم الجميل المحفوف بريحة المسك

دمتم بخير ودام تواصلكم

 

[وَفْايَ اكْبرَ خَطْايَ|~]

يسلمك ربي ع هالطرح الراقي
دمتي ..

 

[همس الحنين]

رررررروعة في كل حرف

 

[بقايا جروح]

نسآني لآسف .~
تسلم حبيبي على آبيآتك الذوق
كلمآت رآقيه وكبيره بمعآنيها الجميله
شكرا لك ولا حرمنآ جديدك العذب
​

 

[عيونكـ آخر أماليـ]

نساني للاسف

 

[فتاة الغروب]

روعه في الطرح ...ودمتي